Се обновува конакот на Лешочкиот манастир
Почнаа да се прават заштитно-конзерваторските работи за ревитализација на стариот конак и црквата „Пресвета Богородица“ од 14 век кои се во рамки на манастирскиот комплекс „Свети Атанасиј“ во тетовски Лешок. Работите се изведуваат во рамки на реализација на годишната програма на Националниот конзерваторски центар.
– Во првата етапа од ревитализацијата на конакот се работи на отстранување на стариот и дотраен градежен материјал. Во втората фаза ќе се поставува плоча и цигли. Кај црквата „Пресвета Богородица“ поставен е привремен покрив, со цел да се зашити храмот од неповолните временски услови. Ќе следува целосно менување на покривот, дренажа на подводните води и реставрација на фрескоживописот, соопштија од манастирскиот комплекс „Свети Атанасиј“.
Денеска увид во работите извршија Митрополитот тетовско гостиварски г. Јосиф заедно со директорот на Комисијата за односи со верските заедници Даријан Сотировски.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници