Се зголемува бројот на повредени во пожарите во Португалија
Повеќе од илјада пожарникари веќе трет ден се борат со пожарите во централниот дел на Португалија во кои досега се повредени најмалку 39 лица.
Најмалку едно лице е потешко повредено, неколку локални жители се евакуирани од предострожност, а во пожарот се уништени и неколку куќи, јавија локалните медиуми.
Во текот на викендот изгореле околу 8.500 хектари вегетација.
Иако ситуација вчера била подобра, до синоќа само 70 отсто од пожарите биле под контрола поради силниот ветар и високите температури.
Во последните години во Португалија се регистрирани некои од најсмртоносните пожари во историјата на земјата. Во еден од нив во 2017 година загинаа 107 луѓе.
Бројот на загинати таа година ја поттикна португалската Влада да поддржи построги мерки за превенција на пожари, што доведе до тоа во 2018 година да нема загинати во пожарите.
Ново на Сител
-
Зеленски и ја честита победата на Сиљановска-Давкова
-
Сплит: Вработена му помогнала на муштерија да хакира машина за игри на среќа
-
Повлечени 104.000 пакувања леб во Јапонија откако во две биле пронајдени траги од глувци
-
Земјотрес во Србија
-
Најмногу дожд на Попова Шапка во изминатите 24 часа
-
Герасимовски: Лицата со попреченост ќе може да користат бесплатен превоз до болница
-
Најчестите знаци на прекумерно внесување шеќер
-
Избрани останатите 10 финалисти на Евровизија