Семејна драма во Гостивар: Татко пукал во својот син
Триесет и тригодишен гостиварец завршил во болница со прострелна рана, откако неговиот татко пукал во него и го ранил во рака. Настанот се случил вчера претпладне во куќа на улицата „205“ во Гостивар.
Според СВР Тетово, помеѓу таткото А.С. (57) и синот Б.С. дошло до вербална расправија во семејната куќа. Синот го нападнал, удирајќи го по телото и главата и упатил закани дека ќе го убие, но бил спречен од неговиот брат и истуркан во дворот. Набрзо потоа, Б.С зел секира и почнал да удира во вратата од куќата. Таткото извадил пиштол што го поседувал без дозола и испукал еден куршум кон синот и го ранил во левата подлактица. Повредениот бил пренесен во гостиварската болница, каде што му е укажана лекарска помош и потоа е приведен во полициска станица.
Осомничениот за пукањето, набрзо по пријавувањето е лишен од слобода. На синот му е земена парафинска ракавица, а оружјето со кое најверојатно е пукано е пронајдено и предадено на вештачење.
Полициска екипа, по овластување на јавен обвинител, извршила увид на местото и се работи на утврдување на деталите и расчистување на настанот.
Ново на Сител
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност