Следниот месец во Албанија ќе пристигнат над 40.000 дози вакцини од „Фајзер“
Албанската министерка за здравство Огерта Манастирлиу најави дека според договорот со „Фајзер“, повеќе од 40 илјади дози од анти-ковид вакцината ќе пристигнат во Албанија во текот на следниот месец.
Таа додаде дека остатокот од вакцините од овој договор или околу 460 илјади дози ќе почнат да пристигнуваат на почетокот на јули, а планот за испорака треба да заврши во последното тромесечје од годинава,
Според министерката, следниот временски период ќе биде покриен со вакцини обезбедени од механизмот Ковакс и со преговори со други компании што ги води албанската влада.
– Добра вест. Со авансно плаќање од 3,9 милиони долари, Албанија е во првиот прозорец за обезбедување на анти – ковид вакцини преку механизмот Ковакс, напиша Манастирлиу на статус на Фејсбук.
Во меѓувреме во земјата продолжува трендот на раст на новозаразени со Ковид-19, кој во Албанија е присутен по новогодишните и божиќните празници. Вчера беа регистрирани нови 786 случаи, што е над 22 отсто од тестираните, починаа седум лица а оздравеа 489 лица.
Поради тоа и понатаму во сила е одлуката за полициски час кој треба е од 22:00 до 6:00, забраната за летови со Велика Британија и продолжување на онлајн настава на
универзитетите и покрај доставената петиција на студентите со која бараат настава со физичко присуство.
Ново на Сител
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници