Собранието ќе ја одржи 71. седница
Собранието на Република Северна Македонија денеска треба да ја одржи 71 седница на чиј дневен ред се повеќе предлог-закони, главно од областа на финансиите и одбраната.
Пред пратениците се и неколку предлог – одлуки, како и годишни извештаи за работата на државни агенции, комисии, МРТ и Судскиот совет.
Ќе се разгледува и Годишниот извештај на Народниот правобранител за степенот на обезбедувањето почитување, унапредување и заштита на човековите слободи и права во 2021 година.
Предлог-законите за финансиска стабилност, за вршење сметководствени работи, за спречување перење пари и финансирање на тероризам, за изменување на Законот за финансиските друштва, за изменување на Законот за фондот за осигурување на депозити, за изменување на Законот за лизинг, за изменување на Законот за меница и за дополнување на Законот за животната средина, се само дел од вкупно предвиените 30 точки на седницата.
Собранието треба да расправа и по Предлог – законот за изменување и дополнување на Законот за служба во Армијата на Република Северна Македонија по итна постапка, Предлог – законот за изменување и дополнување на Законот за пензиското и инвалидското осигурување по скратена постапка, Предлог – законот за изменување и дополнување на Законот за превоз во патниот сообраќај по скратена постапка, Предлог – законот за изменување на Законот за трговија по скратена постапка,…
Меѓу предлог – одлуките се и оние за испраќање припадник на Армијата на Република Северна Македонија за учество во меѓународната операција на Европската Унија „АЛТЕА“ во БиХ, како и за испраќање припадници на Армијата на Република Северна Македонија за учество во меѓународната операција на Европската Унија „EUTM RCA“ во Централноафриканската Република.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд