„Странци“ – нова претстава на Драмски театар
Фасцинантна, моќна приказна со сосема поинаква естетска димензија, остварување кое ќе биде вид бренд и кое, покрај актуелната, ќе донесе нова, поразлична публика. Вака Драмски театар денеска на прес-конференција ја најави најновата претстава „Странци“, во режија на Нела Витошевиќ чија премиера е закажана за утревечер во 20 часот.
Текстот е по сценариото на италијанскиот филм „Перфектни странци“, а играат Игор Ангелов, Ирена Ристиќ, Билјана Драгиќевиќ Пројковска, Зоран Љутков, Сања Арсовска, Филип Трајковиќ и Предраг Павловски. Драматург е Викторија Рангелова Петровска, сценограф Константин Трпеноски, костимограф Роза Трајческа Ристовска, а композитор Огнен Анастасовски.
Станува збор за „драмомедија“ (драма+комедија), во која седум пријатели играат игра, споделувајќи ги пораките, разговорите и фотографиите од своите мобилни телефони, како и комуникациите преку социјалните мрежи со што си ги откриваат личните тајни и отвораат болни конфликтни ситуации.
- Претставата ќе биде дополнителниот шраф во новото возило што го подготвуваме за големиот исчекор на Драмски театар, рече в.д. директорот Сашо Тасевски.
Режисерката Витошевиќ истакна дека „Странци“ се подготвуваше два месеца и дека базира на современ режисерски пристап.
– Оваа стара зграда не може да се пофали со техника, но има силна, сериозно солидна актерска екипа. Темата е актуелна и со неа може да се поврзе секој. Зборува за тоа колку технологијата ги окупира нашите животи и не отуѓува од нашите партнери и семејства, колку лагата станува поважна од вистината. Претставата ја отвора Пандорината кутија во која се сите наши демони, нагласи Витошевиќ.
Актерите очекуваат одличен одѕив зашто сметаат дека подготвиле одлична претстава.
- Оваа претстава му е токму сега потребна на Драмски. Сите верувавме во неа, но имавме и огромна поддршка од драматургот Рангелова, како и од асистентот на режијата Александар Ивановски, рече Предраг Павловски.
Според Љутков, најуспешните претстави во Драмски се токму оние со современ пристап, кои кореспондираат со новото време.
– Затоа мислам дека „Странци“ ќе биде новиот знак на нашиот театар, правецот во кој треба да се движи и во кој јас сакам да го гледам, дополни Љутков.
Претставата „Странци“ трае 1 час и 40 минути, а предпремиерно ќе биде прикажана вечер во 20 часот.
Ново на Сител
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков