Трамп го обвини Зеленски за почнување на војната со Русија
Републиканскиот кандидат на претседателските избори во САД, Доналд Трамп го обвини украинскиот претседател Володимир Зеленски дека помогнал да се започне војната со Русија, навестувајќи радикална промена на политиката кон Украина доколку победи на изборите на 5 ноември.
Поради милијардите долари американска воена помош за Украина од почетокот на војната во 2022 година, поранешниот американски претседател редовно го критикуваше Зеленски за време на кампањата, постојано нарекувајќи го „најголемиот трговец во светот“.
Трамп го критикуваше украинскиот лидер и поради тоа што не бара мир со Москва и предложи Украина да ѝ отстапи одредена територија на Русија за да постигне мировен договор, отстапка која Киев ја смета за неприфатлива.
Во подкастот ПБД на Патрик Бет-Дејвид тој рече дека Зеленски е виновен не само што не ја завршил војната, туку и што помогнал да започне.
„Тоа не значи дека не сакам да му помогнам затоа што многу ми е жал за тие луѓе. Но, тој никогаш не требаше да дозволи таа војна да започне. Во војна, сите се губитници“, рече Трамп.
На состанокот во Њујорк во септември, Зеленски му го претставил на Трамп својот „план за победа“ со кој би завршила војната, а според двајцата лидери, средбата била срдечна.
Трамп во неколку наврати изјави дека ќе го прекине конфликтот кога ќе ја преземе функцијата во јануари, но не објасни како.
Сепак, јавните коментари на Трамп сугерираат дека тој ќе ја прекине помошта за Украина доколку ја победи кандидатката на Демократската партија и потпретседателка Камала Харис.
Таа вети континуирана поддршка за Украина и ја истакна победата на украинската нација како американски национален безбедносен интерес.
Харис постојано го критикува Трамп дека не сака да му се спротивстави на рускиот претседател Владимир Путин.
Ново на Сител
-
Втор ден од министерскиот состанок на НАТО на кој учествува и министерот за одбрана Мисајловски
-
„Ербас“ изврши успешна демонстрација со новиот самоуправувачки хеликоптер
-
Одобрени повеќе од 270 проекти на општините, рокот за аплицирање ќе се пролонгира до 15 ноември
-
Русите тврдат дека ја презеле контролата врз село во близина на клучниот град Кураково, во Доњецкиот регион
-
Нетанјаху: Војната може да заврши уште утре доколку Хамас го положи оружјето и ги врати заложниците
-
Трамп го обвини Зеленски за почнување на војната со Русија
-
Без вода дел од ул. „Васил Стефановски“, без струја делови од неколку скопски општини
-
Либанската телевизија ЛБЦИ јави дека Калед Машал е именуван за в.д. лидер на Хамас