Трамп: Преговорите со талибанците се мртви

Претседателот Доналд Трамп изјави денеска дека разговорите на САД со талибанците во Авганистан се „мртви“. На прашањето за разговорите, Трамп одговори: „Тие се мртви. Што се однесува до мене, тие се мртви“. Американскиот претставник Залмај Халилзад преговараше со политичкото крило на талибанците во Доха речиси една година. Се чинеше дека тоа ќе биде непосреден договор за крај на најдолгата американска војна, но ситуацијата се промени во последен момент, јавуваат американски медиуми. Трамп на својот профил на Твитер во саботата напиша дека ја откажал својата планирана средба со талибанците и авганистанските лидери во „Кемп Дејвид“.