Трамп забранува модифицирано оружје: Промена на прописите во САД по страшните пукања

Американскиот претседател Доналд Трамп соопшти дека презел чекори за донесување прописи со цел да се оневозможи модификација на огненото оружје во автоматско, како што тоа го направи напаѓачот во Лас Вегас, кој минатата година уби 58 луѓе.

Со новите прописи, би било забрането користење технички додатоци кои овозможуваат пушката да испука стотици куршуми во минута.

Претходно од Белата куќа беше соопштено дека претседателот ќе разгледа и други рестрикции во врска со оружјето и неговата набавка.

Најновата одлука на Трамп доаѓа неколку дена по нападот во средно училиште во Флорида каде поранешен ученик уби 17 лица.