Три лица повредени, уништени 30 монтажни куќи при снежно невреме во САД
Најмалку три лица се полесно повредени во снежното невреме што го погоди источниот брег на САД. Уништени се 30 монтажни куќи, а кај 51 е причинета поголема штета.
Медиумите пренесуваат дека невремето предизвикало обилни снежни врнежи, силни грмежи и јак ветер.
За деловите на Нова Англија и американските сојузни држави Њујорк, Охајо, како и Пенсилванија, до утре е прогнозирано околу 30 сантиметри снег.
Синоптичарите во градот Бафало, во сојузната држава Њујорк, наведуваат дека наврнале големи количества снег.
Во градот Њујорк, пак, не се очекуваат снежни врнежи. Но, метеоролошката служба предупреди утрово на силни грмотевици во градот.
Според синоптичарите, брзината на ветрот во градот може да достигне околу 72 километри на час, а на Лонг Ајленд речиси 97 километри на час.
Снежни врнежи и дожд зафатија поголем дел од Масачусетс, Конектикат, како и Роуд Ајленд.
Снегот во текот на ноќта преминаа во дожд, а метеоролозите во Бостон посочуваат дека ветрот може да достигне брзина до 113 километри на час.
Слични временски услови се регистрирани и во југоисточниот дел на земјата. Повеќе американски држави беа зафатени од поројни дождови, а силните грмотевици на Флорида предизвикаа торнадо со брзина на ветровите од 190 километри на час.
Се очекува влажните коловози во јужниот дел на земјата денеска повторно да замрзнат.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски