Тркалезна маса за биодиверзитетот во охридско-преспанскиот регион
Експерти од Македонија и професорот Јос Ферхуфен, претседател на Европскиот огранок на Светското друштво на научници за блатни екосистеми, ќе учествуваат на денешната тркалезна маса за влијанието на планираните инфраструктурни проекти врз биодиверзитетот во охридско-преспанскиот регион.
Тркалезната маса ќе се одржи во Скопје, а ја организира Здружението за заштита на животни и животна средина Е.Д.Е.Н. во рамки на проектот „Избери страна“, финансиран преку Global Green Grants Fund.
Ферхуфен, кој е специјален гостин, ќе зборува за важноста и скапоценоста на блатните екосистеми, со посебен акцент на Студенчишкото Блато.
На тркалезната маса ќе биде презентирана и анализата на биодиверзитетот на регионот „Охридско-преспанскиот регион на крстопат помеѓу синилото и сивилото“ што ја изготви проф. д-р Трајче Талевски. Во анализата се проценети природните вредности на регионот, што е тоа што го прави уникатен поради што има статус на светско природно наследство, како и кои се заканите од планираните инфраструктурни проекти.
Заклучоците од тркалезната маса ќе бидат доставени до сите релевантни домашни и меѓународни институции за да се направат заеднички напори да се зачува интегритетот на регионот и да се спречи негово уништување.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд