Украинскиот премиер Шмихал: Контраофанзивата на вооружените сили на Украина може да започне на лето
Украинскиот премиер Денис Шмихал изјави дека украинската контраофанзива би можела да започне на лето и дека Киев не чувствува притисок од западните „пријатели и партнери“.
„Не чувствуваме притисок од нашите пријатели и партнери во врска со почетокот на офанзивата. Сите наши пријатели и партнери многу добро знаат дека за да се тргне во контраофанзива, треба да се биде 100 проценти или уште повеќе подготвен за тоа“, рече Шмихал во интервју за весникот „Хил“.
Тој изјави „дека контраофанзивата би можела да започне веќе во текот на летото“.
Секретарот на Советот за национална безбедност и одбрана на Украина (НСДЦ) Алексеј Данилов, во интервју за германската телевизија АРД, изјави дека Киев „во последен момент“ ќе одлучи да започне контраофанзива.
На почетокот на април, американскиот државен секретар Ентони Блинкен не исклучи дека во наредните недели ќе започне контраофанзива на украинските војници.
Во исто време, министерот за одбрана на Украина Алексеј Резников истакна дека по затоплувањето може да се очекува контраофанзива и дека Киев планира да нанесе неколку удари.
Портпаролот на Кремљ Дмитриј Песков изјави дека руската војска внимателно ги следи најавите на Вашингтон за неизбежна контраофанзива на украинската армија и ги зема предвид при планирањето на „специјалната воена операција во Украина“.
Ново на Сител
-
Пропаднаа два обиди да се избере претседател на Уставниот суд
-
ДИК: Завршија парламентарните избори, Азизи нов пратеник на местото на Касами
-
Велосипедист удрил дете и избегал, девојчето тешко повредено
-
Хорор во Белград: Го извадил черепот на татко си од гробница и го чувал во плакарот
-
Кремљ: НАТО ја провоцира Украина да го продолжи конфликтот
-
Спречен шверц на поголема количина производи за широка потрошувачка од Косово кон Македонија
-
ДУИ: Волјата на албанскиот народ не е играчка што припаѓа на ВМРО-ДПНЕ
-
Груевски: Откако СДСМ ги загуби изборите монструмот Добрила Кацарска во обид да се прикаже како жртва