Владата ги усвои мерките на Комисијата за заразни болести
Министерот за здравство Венко Филипче заедно со министерот за образование и Владата денеска донесе одлука за затворање на сите основни и средни училишта, детски градинки и факултети во Македонија.
-Да се прекине воспитно образовниот процес и настава во сите детски градинки, основни и средни училишта, на територијата на целата земја во наредните 14 денови. Да се ослободат вработените од работни обврски од овие установи. За еден родител до 10 годишна возраст ќе се дозволи отсуство од работа кое што ќе биде целосно платено во јавните и приватните институции, рече Филипче.
Тој додава дека наставата се прекинува и на факултетите низ целата земја.
- Се забрануваат масовни собири на отворен и затворен простор со над 1.000 учесници во наредните 14 дена, а се препорачува да се откажат и да не се организираат настаните под оваа бројка. Се забранува одржување на спортски натпревари со публика во периодот во наредните 30 дена на територија на целата држава. Се воведува целосна самоизолација од 14 дена на луѓето кои доаѓаат од жариштата, рече Филипче.
Физичките и правните лица кои нема да ги почитуваат овие препораки или ќе ги прекршат истите ќе бидат казнети согласно членот 205 и 206 од кривичниот законик.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево