Во Бугарија пред изборите формиран меѓусекторски штаб за борба против купување на гласови
Повеќе од 20.000 полицајци во Бугарија ќе бидат ангажирани на денот на парламентарните избори, што се одржуваат на 4 април, јави дописникот на МИА од Софија.
– Министерството за внатрешни работи формира специјален меѓусекторски штаб за борба против трговијата со гласови. Во него ќе учествуваат претставници на Обвинителството, полицијата и Државната агенција за национална безбедност (САНС), изјави за БТВ генералниот секретар на Министерството за внатрешни работи, Ивајло Иванов.
Според него, сепак, трговијата со гласови е кривично дело што тешко се докажува.
Иванов појасни дека во моментот нема специфични сигнали за купување гласови, но има информации за можно извршување на вакви кривични дела.
Тој потсети дека голем број луѓе биле осудени и ги издржале казните поради купување на гласови на претходните избори во Бугарија.
– Со оглед на проценките што ги направивме и со оглед на искуството од претходните избори, бројот на ангажирани лица ќе биде над 20.000. Јас не зборувам само за денот на изборите, туку и воопшто, за обезбедување на изборниот процес, додаде Иванов.
Тој објасни дека покрај униформирана полиција ќе бидат ангажирани и оперативци на терен и припадници на одделенијата за издавање на лични документи.
– Покрај тоа што изборите мора да поминат мирно и без инциденти, изборите мора да бидат и безбедни – без редици и гужви пред гласачките кутии, заклучи Ивајло Иванов.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот