Во Гостивар одбележан Денот на Македонската револуционерна борба
Со свечен собир и пригодна манифестација во Гостивар, вечерва, беше одбележан Денот на Македонската револуционерна борба, 23-ти Октомври. Прославата заеднички ја организираа гостиварската гимназија и општинскиот одбор на Сојузот на борци.
- Македонската револуционерна организација даде плејада истакнати дејци и идеолози за создавање на сопствена држава: Гоце Делчев, Даме Груев, Пере Тошев, Ѓорче Петров, Јане Сандански... Тие беа само јадрото на револуционери и водачи на македонскиот народ, истакна во својот реферат професорката по историја Светлана Јованоска.
Таа потсети на настаните врзани со формирањето на Внатрешната македонска револуционерна организација и нејзиното значење за македонското револуционерно движење.
Одбележувањето на 23 Октомври беше збогатено со културно-уметничка програма што ја подготвија гимназијалците со своите професори. Присутните имаа можност да слушнат познати цитати од македонските револуционери во интерпретација на средношколците.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите