Во градежништвото се очекува зголемување на бројот на вработени
Раководителите на компаниите во градежништвото очекуваат вкупните порачки за градежни работи да останат на ниво од претходното тримесечје, а да се зголеми бројот на вработени во наредните три месеци, објави Државниот завод за статистика.
Според оценката на раководителите на деловните субјекти од областа на градежништвото, индикаторот на доверба во првото тримесечје од 2017 година е зголемен за 0,1 процентен поен во однос на претходното тримесечје, а e зголемен за 1,3 процентни поени во однос на истото тримесечје од 2016 година.
Оценката за економската состојба во првото тримесечје од 2017 е поповолна во однос на претходното тримесечје, а поповолна и во однос на првото тримесечје од 2016 година. Оценката за сегашната состојба со порачки, односно договори на нивните деловни субјекти, како и оценката за финансиската состојба, се поповолни во однос на претходното тримесечје.
Во наредниот период се очекува продажните цени да се зголемат, a бројната состојба и квалитетот на механизацијата и опремата во првото тримесечје од 2017 година се над нормалата.
Најголемо влијание на ограничувањето за подобрување на тековната градежна активност имаат зголемени трошоци за материјали со 20,7 отсто, немање побарувачка со 17 проценти, конкуренција во сопствениот сектор со 10,6 отсто и неповолните временски услови со 10,1 отсто.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари