Вработен во кралскиот двор признал дека крадел лични предмети од кралицата Елизабета па ги препродавал на И-беј
Адамо Канто, долгогодишен вработен во британскиот кралски двор, призна дека крадел лични предмети од кралицата Елизабета и нејзиното семејство, па ги продавал на И-беј. Тој на И-беј понудил 37 предмети, а кражбите ги извршил меѓу ноември 2019 и август 2020 година, пренесе Би-би-си.
Украдените предмети полицијата ги нашла во собата на Канто во кралската палата. Меѓу украдените предмети се и потпишани слики од принцот Хари, Вилијам и Кејт, како орден што му припаѓа на главниот слуга на дворот. Адамо украл и слика од државниот банкет направена при посетата на Доналд Трамп на Британија, која наводно вреди 2.000 фунти. Сите украдени предмети вредат меѓу 13 илјади и 135 илјади фунти.
Канто признал дека крадел од кралицата и додал дека поради пандемијата, кога голем дел од вработените во палатата речиси и не доаѓале на работа, тој имал пристап до простории во кои претходно не влегувал.
Според Би-би-си, Канто најверојатно ќе биде осуден на затворска казна.
Ново на Сител
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени