Заев: Рашковски поднесе оставка, Владата ќе има нов генерален секретар
Досегашниот генерален секретар на Владата, Драги Рашковски ја напушта позицијата, со оглед на тоа дека веќе пред месец и половина си поднел оставка.
Се уште не е познато, кој ќе го наследи, а оваа информација со јавноста ја сподели премиерот Зоран Заев.
„Генералниот секретар Драги Рашковски поднесе оставка пред месец и пол, тој ја извршува функцијата додека не дојде нов. Правиме консултации сè уште, лично јас како претседател на Владата кој сум овластен предлагач и ќе има нов генерален секретар. Немам донесено одлука, штом ќе ја донесеме, ќе соопштиме“, истакна Заев.
Она што стоеше како шпекулација е дека откако Рашковски ќе го напушти владиниот кабинет, на негово место ќе биде екс министерот за информатичко општество и администрација и поранешен пратеник, Дамјан Манчевски. Но, како што е познато на јавноста, тој неодамна одлучи јавно да се произнесе и да информира за тоа дека целосно се повлекува од политичката сцена, со оглед на тоа дека премина во приватниот сектор.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите