11-годишно бегалче од Украина само дошло во Словачка со телефонски број напишан на раката | ФОТО

11-годишно момче сосема само од Украина допатувало во Словачка. Со една најлонска кеса, пасош и телефонски број напишани на раката, тој дошол сосема сам бидејќи неговите родители морале да останат во Украина, објави словачката полиција на својот профил на Фејсбук.

-Волонтерите доброволно се грижеа за него, го одведоа на топло и му обезбедија храна и пијалоци кои му ги спакуваа за следното патување. Сите ги освои со неговата насмевка, бестрашност и решителност, достоен за вистински херој. Благодарение на бројот на раката и парчето хартија, успеав да контактирам со роднините кои дојдоа по него подоцна и целата приказна добро заврши, се вели во објавата на словачката полиција.