16 ракометари во Работнички позитивни на Ковид-19
Раководството на РФМ се соочува со огромен проблем во обидот да ја продолжи Супер-лигата по вториот масовен случај на заразени ракометари во еден клуб од елитното друштво. Групата А од Супер-лигата веќе е во прекин поради 16 позитивни случаи во КЛ7, за денеска да биде обелоденето дека во скопскиот суперлигаш Работнички дури 16 членови на клубот се заболени од Covid-19.
Појавените симптоми кај дел од играчите биле причина за колективно тестирање, а резултатите биле изненадувачки за клубот, откако речиси сите ракометари биле позитивни на коронавирус. Ова автоматски ќе повлече и прекин на групата Б во следните 15 дена, а се очекува во наредниот период да бидат тестирани и ракометари на другите екипи, кои во изминатите денови играа натпревари против Работнички.
Главниот проблем е да се најде начин во кој Супер-лигата би можела да се доигра. РФМ се реши за згуснат распоред што требаше да финишира до крајот на месец октомври, нешто што сега е невозможно по прекините и во двете групи. Останува да се види каква одлука ќе биде донесена, а според неофицијалните информации не се исклучува ниту можноста за „меур“ – сите натпревари да бидат одиграни во една сала, во згуснат временски период, при што ракометарите би немале контакт со надворешноста, со самото тоа и ризик од зараза.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори