17ч: Македонија по петта победа против Азербејџан

Првпат ги победивме во 2000-тата година со 2-1 во пријателски дуел а потоа во квалификациите за СП 2002 ги победивме со 3-0 во Скопје и одигравме 1-1 во гости. 

Во 2010 година во пријателски дуел во Австрија славевме со 3-1 а потоа во Баку исто така во контролен дуел ја совладавме четата на тогашниот селектор Берти Фогтс со 1-0.

Попладнево го играме 6. меч на кој ќе ја бркаме 5. победа против Азербејџан како селекција против која  како една од ретките имаме позитивен резултат:

-„Не би зборувал околу гол-разликите и прогнозите, туку посакувам само победа. Желбите се да одиграме квалитетен натпревар, да го спроведеме она што го замислуваме и да извлечеме позитивен резултат. Азербејџан е селекција на наше рамниште, нашите фудбалери ги одработија подготовките, но заедно сме само на денешниот тренинг затоа што младинците ни пристигнаа денес. Но и покрај тоа, сметам дека нема да имаме проблеми да одиграме еден квалитетен натпревар“, изјави селекторот  Ангеловски.