57 години од земјотресот во Скопје - со свежо цвеќе оддадена почит на гробиштата во Бутел

Со свежи цвеќе на градските гробишта во Бутел претставници на Владата, Собранието и Град Скопје оддадоа почит на жртвите од земјотресот кој на денешен ден пред 57 години го погоди Скопје. 

Градоначалникот Петре Шилегов рече дека оваа несреќа ја покажа големината на хуманоста и човечноста од 87 држави од светот кои помогнаа Скопје во многу краток период да се издигне како Феникс.

-Тоа за нас претставува обврска кон тие држави и обврска кон останатиот свет и затоа секогаш кога се случуваат несреќи Град Скопје излегува во пресрет. Обврска е да се вратат имињата на улиците токму на тие држави кои помогнаа да се издигне градот по природната катастрофа, коишто неправедно беа одземени со некои одлуки во минатото. И најавив дека тоа ќе биде коригирано, рече Шилегов. 

На 27 јули 1963 година во 05:17 часот земјотрес со јачина од 6.1 степени според Рихтер го погоди главниот град. Во несреќата животот го загубија 1.070 луѓе, а 3.000 беа повредени. Над 200.000 луѓе останаа без покрив над главата.

Даниел Василев