Aкција за вдомување кучиња утре во Куманово

 На градскиот плоштад Куманово утре во 10 часот ќе се одржи акција за вдомување кучиња. Заинтересираните граѓани ќе можат да си вдомат куче, кое претходно е заловено и вакцинирано, соопштија надлежните од секторот за инспекциски надзор од општина Куманово.

Kомуналниот редар од општината, Гордан Таневски истакна дека акцијата се реализира во рамки на тендерот за заловување на кучиња скитници.

- Акцијата ќе трае неколку часа. Апелираме до граѓаните кои сакаат да вдомат миленик, да дојдат и ги видат кучињата, кои претходно се вакцинирани, рече Таневски.

Во меѓувреме во тек се акциите за заловување на кучиња скитници. Последниве денови се заловени 15 кучиња, а од почетокот на мај досега, заловени се 120 кучиња. Инаку, општина Куманово одвојува 800.000 денари за заловување кучиња скитници.