Активен пожарот во Старо Нагоричане, стабилна е состојбата во Куманово
Пожарникарите од Старо Нагоричане гасат пожар помеѓу Малотино и Рамно, информираа денеска од територијалната противпожарна единица од Старо Нагоричане. На терен е и полициски хеликоптер. Од пожарот зафатена е и дабова шума, гранки, нискостеблеста шума, но во близина е и борова шума.
- Дејствуваме на пожар помеѓу Малотино и Рамно. Тука се и екипа на „Национални шуми“ се обидуваме да го ставиме пожарот под контрола. Ја очекува поддршката и од припадниците на Армијата. Тука е полицискиот хеликоптер. Пожарот од Враготурце е ставен под контрола, изјави командирот на ТППЕ, Старо Нагоричане, Далибор Трајковски.
На подрачјето на општина Куманово нема активни пожари соопшти утрово, командирот на ТППЕ Куманово, Дејан Илиевски.
- Во општина Куманово нема активни пожари. Контактиравме со месно население од село Кокошиње, селото е безбедно, во моментот нема активни пожари на територија на Куманово, сношти сите пожари се ликвидирани, изјави Илиевски.
И пожарот во Живиње е завршен, екипите се повлечени од терен. Од Регионалниот центар за управување со кризи информираат дека во Кшање и Кокошиње горела деградирана шума.
Инаку, кумановските пожарникари интервенирале во липковските села Лојане и Ваксинце и кај месноста Врело, а делувале и на уште една локација во близина на винарска визба. Според информациите на РЦУК Куманово, во Малотино опожарена е површина од 80-тина хектари деградирана шума, нискостеблеста шума, драка и сува трева.
Ново на Сител
-
САД го истражуваат протекувањето на строго тајни документи со детали за израелските планови за напад на Иран
-
Рама: Обединувањето со Европа е пат со две ленти, 100 отсто сум убеден дека во оваа деценија ќе станеме дел од ЕУ
-
Мицкоски ќе учествува на 20. Европски самит во Салцбург
-
Координатор на ОН за Блискиот Исток: Кошмарот во Газа се засилува
-
Маск ќе подарува по милион долари дневно до изборите на некој што ќе ја потпише неговата петиција
-
Околу 100 ракети истрелани од Либан кон северен Израел
-
Израел го нападна штабот на разузнавањето на Хезболах во Бејрут
-
Маж од скопско ја нападнал својата 19-годишна ќерка