Албанија и Косово со заеднички конзулат и во Бари

Албанија и Косово ќе имаат уште еден заеднички конзулат, јави дописникот на МИА од Тирана.

По оној во италијанскиот град Милано, конзулатот на Албанија во Бари, ќе биде во служба и на државјаните на Косово, кои живеат и работат во јужниот дел на Италија.

Веста ја соопшти шефот на албанската дипломатија Дитмир Бушати на неговиот профил на фјсбук.

„Албанија-Косово со заеднички конзулат и во Бари. Конзулатот на Албанија ќе биде во служба и на граѓаните на Косово. Стратешкото партнерство Албанија-Косово од ден на ден се продлабочува преку конкретни делувања во спроведувањето на среднорочниот план, договорен со мојот колега и пријател Енвер Хоџај“,напиша Бушати.

Тој исто така наведува дека набрзо ќе бидат конкретизирани работите за заеднички конзулат во Минхен, Германија.