Алијанса за Албанците: Сведоци сме дека судството и политиката се во заемна соработка
Специјалното јавно обвинителство беше последната надеж во државата дека еднаш засекогаш ќе почне судството да се дели од политиката и ќе биде професионално тело кое ќе постапува според законите и Уставот во насока на разрешување на крупните криминални процеси. За жал, со последниот скандал сите сме сведоци дека судството и политиката се во заемна соработка и тоа го нарушува и угледот на државата во меѓународната заедница, изјави денеска Елми Азири од Алијансата за Албанците денеска на прес-конференција.
Азири прашува зошто процесите што биле дел од СЈО, како „Пациент“, „Маџар Телеком“, „Титаник 2“ не се процесуирани досега и дали тука има вмешаност и политиката.
– Ние сметаме дека овој скандал овие последни случувања имаат огромни политички реперкусии што се однесува до политичкиот живот во Македонија и се гледа дека на некој начин државата влегува во огромна политичка криза и секој ден што поминува таа криза се повеќе се продлабочува, вели Азири.
Од Алијансата за Албанците сметаат дека е потребно да се свика лидерска средба на релевантни политички лидери и од власта и од опозицијата во стил на Пржинските средби и на тие средби да се дискутира за најактуелните и најчувствителните прашања што моментално се случуваат во државата, меѓу кои, како што наброја Азири, избирачкиот список, Законот за јавно обвинителство, Законот за пописот на населението, за техничката Влада и за предвремени парламентарни избори.
– Ние сме заинтесирани за што побрзо да се случат предвремени парламентарни избори, се разбира сериозно да се дискутира и да се пристапи кон предлогот на Алијансата за Албанците СЈО да има начелник, специјален јавен обвинител од земјите на Европската Унија, а зошто да не и од САД, затоа што сме сведоци дека судскиот систем во државава нема капацитет, нема слух, нема желба и нема подготвеност да се занимава и да ги процесуира најкрупните корупциски скандали во државата, посочи Азири.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот