Алкалоид ја заврши 2020 со раст на добивката

Алкалоид бележи раст од 15% на нето добивка. Во текот на минатата година компанијата оствари консолидирана нето добивка од речиси 19 милиони евра.
Извештаите покажуваат дека лани Алкалоид ја зголеми продажбата за 9%, а исто толкав е растот и на извозот. Од вкупните приходи лани, само една третина се остварени од домашниот пазар, додека поголемиот дел е продажба во странство, најмногу во земјите од Југоисточна и Западна Европа.

Алкалоид лани реализираше инвестиции во вредност од над 25 милиони евра, што е за 44% повеќе од претходната година, а според плановите инвестицискиот циклус ќе продолжи и во наредниот период.

Алкалоид лани реализираше 210 нови вработувања, со што сега фирмата брои речиси 2.400 вработени во земјава и странство.