Алкараз и Синер ги сменија местата на врвот на АТП ранг-листата

Со освојувањето на трофејот на Грен слем турнирот УС опен шпанскиот тенисер Карлос Алкараз изби на првата позиција на АТП ранг-листата, додека финалистот Јаник Синер падна за едно место и сега е втор.

Александар Зверев остана на третата позиција, а најголем скок во ТОП 10 има Новак Ѓоковиќ, кој се проби три позиции и сега е на четвртото место. Тејлор Фриц е петти со пад за едно место, а Бен Шелтон остана на шестото место. Џек Дрејпер има пад за две места и се наоѓа пред осмиот Алекс Де Минаур, полуфиналистот Лоренцо Мусети скокна едно место, а на десетото место е Карен Качанов.

Од македонските тенисери Калин Ивановски се наоѓа на 800.место со 31 поен, додека Горазд Србљак е на 2.178.то место со 1 поен. 

МИА