Амандманската расправа за ребалансот на Буџетот продолжува утре
Во Собранието попладнево на седницата на Комисијата за финансирање и буџет продолжи амандманската расправа за ребалансот на буџетот за оваа година. Ова е деветти ден од амандманската расправа, која ќе продолжи утре во 11 часот.
Опозициската ВМРО-ДПМНЕ преку предложените амандмани се обидува, како што рекоа, во повеќе области да ги придвижат работите во корист на граѓаните и на стопанството. За разлика од нив владејачкото мнозинство е со став дека проектираната калкулација ќе обезбеди инвестициски циклус и заштита на стандардот на граѓаните.
Членовите на Комисијата денеска разгледаа 50 амандмани, но ниту еден не беше прифатен. Амандманите најмногу се однесуваа на земјоделството, хидросистеми, канализација и комунални мрежи.
Поднесени се вкупно 204 амандмани, од кои над 170 од пратеничката група на ВМРО-ДПМНЕ, 28 на Алијанса на Албанците и два од парламентарното мнозинство.
Согласно Деловникот за работа, амандманската расправа трае десет дена и се очекува да заврши утре.
Ново на Сител
-
Избори за францускиот Сенат
-
Курти го обвини Белград за убиството на косовскиот полицаец
-
СДСМ: Намалени цените во маркетите
-
Изгаснати 30 пожари во текот на вчерашниот ден, активни уште шест
-
Казнети 20 пијани возачи на територија на СВР Тетово
-
Пазарот на недвижности со голема понуда и солидна побарувачка
-
Хеликоптер на МВР исфрли над 45 тони вода при гаснењето на пожарот кај Милетино
-
ВМРО-ДПМНЕ: Потребни се брзи избори