Аматерскиот хуманитарен велеслалом во Маврово прикажан на американска телевизија
Светлечкото шоу на ноќно спуштање за време на Хуманитарниот велеслалом по ски-патеките во Маврово, каде скијачите и сноу бордерите се симнуваат со бакљи со црвена и жолта боја, прикажано на американската телевизиска програма „Right this Minute“.
Аматерскиот хуманитарен велеслалом, како што информираат организаторите, се одржа по 16-ти пат во Маврово, минатиот викенд. На настанот учествуваа 54 екипи во две дисциплини скијање и сноу борд, а беа собрани 10.000 евра кои се донирани за Здружението за хумано-општествен развој „Проект среќа“.
Видеото од ски шоуто, е изработено од Вертиго Скај Кам и може да се погледне на следниот линк.
Според Огњан Циговски од Ски Центарот Маврово, овој момент е одлична можност за Маврово, за Македонија, за туризмот.
- Горд сум што една американска телевизија го емитува и го коментира нашиот настан, кој според нив треба да се предложи како нова олимписка дисциплина. Тоа е одлично за туризмот, но со ова уште еднаш потврдуваме дека сме креативна нација која може да сработиме нешто невообичаено и примамливо за Светот, објаснува Циговски.
Ново на Сител
-
Амбасадорите подготвени да соработуваат со Мицкоски за судските реформи
-
Советот на обвинители не сака распуштање, Мицкоски вели срамно е да се има доверба од 2%
-
268 матуранти паднаа на државната матура
-
Кој ќе одговара за скапо платените и некористени акцеларатори за малигно болни кои ќе завршат во отпад?
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец
-
Кога пензионираните пилоти за ер тракторите ќе се вратат на работа?
-
Традицијата продолжува - Златните денови Кратово 2024