Американскиот малопродажен гигант „Сирс“ затвора третина од своите продавници
Американската компанија „Трансформ Холдко“, сопственик на „Сирс“ и „Кејмарт“, затвора 96 продажни локации или околу третина од сите свои продавници на двата малопродажни гиганти.
„Сирс“ и „Кејмарт“ се едни од најстарите синџири на стоки за широка потрошувачка во САД отворени во 19 век. Првата, на пример, беше најголема малопродажна компанија, која потоа беше надмината од „Волмарт“. Двете продавници во последно време се соочуваат со тешкотии, „Сирс холдинг“ од 2011 година работи со загуби, не може да ја издржи конкуренцијата со онлајн продавниците, па лани во октомври отиде во стечај.
Холдингот годинава беше откупен од милијардерот Еди Ламперт за 5,2 милијарди долари, по што сопственик стана „Трансформ Холдко“, компанија создадена специјално за тоа а управувана од инвестициски фонд на Ламперт.
Во минатото „Сирс“ поседуваше 3.500 продавници, а кога беше откупен од Ламперт, малопродажниот гигант имаше само 425 продавници, по што за неколку месеци беа затворени околу 150 и сега по затварањето на уште 96, ќе останат да работат само 182 продавници.
Затварањето на продавниците ќе се одвива од декември до февруари.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“