Американските градови домаќини на СП 2026 ги бараат ветените исплати од ФИФА

Неколку американски градови кои беа домаќини на натпреварите на Светското првенство во 2026 година бараат ФИФА да ги исплати ветените средства, објавува „The Athletic“.

Раководството на ФИФА постојано ги уверувало градските претставници дека секој ќе добие по еден милион долари. Средствата требало да се користат за развој на фудбалската инфраструктура и спроведување социјални проекти, но исплатите сè уште не се примени. 

ФИФА јавно нема објавено за никакви такви обврски.

Слични исплати претходно беа обезбедени за 11-те американски градови домаќини на Светското клупско првенство во 2025 година. Претседателот на ФИФА, Џани Инфантино, потоа објави дека организацијата ќе издвои по милион долари за изградба на мали фудбалски терени и поддршка на социјални иницијативи.

За финансискиот циклус 2023-2026 година, приходите на ФИФА надминаа 15 милијарди долари.

Натпреварите на Светското првенство во 2026 година се одржаа во 16 градови низ САД, Мексико и Канада, од кои 11 беа во САД.

МИА