Аморим за пофалбите кон Диало: Треба да се внимава со децата
Менаџерот на Манчестер Јунајтед, Рубен Аморим, смета дека мора да се внимава со пофалбите кон Амад Диало откако напаѓачот од Брегот на Слоновата Коска со „хет-трик“ обезбеди победа од 3-1 над Саутемптон.
Диало го предводеше својот тим до многу потребниот успех, станувајќи вториот најмлад играч на Јунајтед кој постигнал три гола на еден натпревар во Премиер лигата по Вејн Руни.
-Важно беше да победиме, а тој ни помогна. Но, треба да бидете внимателни со малите деца. Му честитам, треба да ужива во вечерта и да ги цени овие моменти. Ќе му кажам дека треба да се одмори, да јаде добро, затоа што ни треба повторно во недела. Тој заврши одлична работа, добар момент за едно младо момче да постигне „хет-трик“ за ваков клуб, изјави Аморим за Диало.
Аморим презема дел од вината за уште едно лошо издание на неговиот тим, кој останува на 12-тото место во поредокот, признавајќи дека неодамнешните битки во Ливерпул и Арсенал имале лош ефект.
-Имам големи очекувања од сите, се трудам да бидам навистина напорен и исто така разбирам кога се обидуваат, а не можат да го направат тоа. Притисокот да се игра дома е потежок отколку да се игра на гости. Потешки се барањата за контрола на целиот натпревар против ваков противник. Треба да ги подобрам тренинзите и процесот на закрепнување на играчите, не само телото, туку и умот. Ако не успееме да ја контролираме топката долго, страдаме, заклучи Португалецот.
Ново на Сител
-
КБК Шампион со 5 натпреварувачи на Европскиот куп во Пловдив
-
Мелони по посетата на папата Франциск во болница: Тој е „внимателен и одговорен“ и со добра смисла за хумор
-
Трамп го нарече Зеленски „диктатор“, продлабочувајќи го јазот меѓу двајцата лидери
-
Од фудбалски соништа до интернет сензација | Стефан Лазаров | Неформално | Sitel Podcast 082
-
Путин задоволен од резултатите од руско-американските преговори во Ријад
-
Без вода утре дел од Центар
-
Кривична против 59-годишен професор од Кочани, нападнал ученик со метален предмет
-
Уапсен 28-годишник од светиниколско, се обидел да изврши обљуба врз 18-годишна девојка