Анастасиадис: Киднапирањето на авионот е од лични мотиви

Претседателот на Кипар Никос Анастасиадис нагласи денеска дека „киднапирањето на авионот не соодветствува со чин на тероризам“, тука дека зад сето тоа стојат лични мотиви, пренесува „Блумберг“. 

Претходно денеска, кипарскиот претседател имаше телефонски разговор со претседателот на Египет Абдел Фатах ал Сеси, јавува „Сајпрус мејл“. 

Медиумите, исто така известуваат дека киднаперот барал писмото кое било напишано на арапски јазик да биде предадено на неговата поранешна сопруга која живее на Кипар, а „Сајпрус мејл“ наведува дека полицијата ја носи на аеродромот неговата поранешна сопруга. 

Полициските претставници изразија сомневање дека киднаперот во себе има вистински експлозив. 

Киднаперот наводно барал политички азил.