-->
-->
Ангеловски: Игравме одлично но на крај се памети само резултатот
-->
По синоќешниот пораз од Израел со 2:1 во квалификациите за СП во Русија, селекторот на македонската фудбалска репрезентација Игор Ангеловски изрази поддршка на своите избраници за прикажаната игра, но и жалење дека црвено-жолтите тоа не го крунисаа со уште еден гол.
„За жал останува да се памети резултатот, а не прикажаната игра. Немам забелешки за ангажираноста и пожртвуваноста на играчите. Жалам што борбеноста и добрата игра не беше крунисана со барем уште еден гол. И на натпреварот со Албанија, како и на овој бевме подобри од противникот, но за жал и двата ги загубивме“, изјави веднаш по натпреварот селекторот Ангеловски.
Иако беше пропуштена голема шанса „рисовите“ да ја прекинат лошата резултатска серија, сепак селекторот Ангеловски смета дека јавноста мора да биде задоволна од прикажаното, и дека конечно среќата ќе ни се насмевне.
„Ќе продолжиме да работиме во овој правец, сметам дека имаме игра. Мислам дека само со работа и упорност среќата конечно ќе ни се насмевне“, дополни Ангеловски.
На крајот Ангеловски изрази благодарност за поддршката која ја даде публиката присутна на арената „Филип Втори“ упатувајќи повик за уште поголема посетеност на следните натпревари.
А, веќе наредниот нареден е дуелот со повеќекратниот светски и европски шампион Италија, и тоа во недела, одново во терминот од 20:45 часот.
-->
-->
-->
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ