Анкета: Мнозинството Британци се согласуваат со забраната на носење бурка
Мнозинството Британци се согласуваат да се забрани носењето бурка на јавни места, додека половина од испитаниците сметаат оти бурките треба да бидат забранети, покажува истражувањето на лондонската агенција „Југав“.
Дури 57 отсто од учесниците во истражувањето изјавиле дека се согласуваат со забрана, 25 отсто биле против, а други 28 отсто изјавиле дека немаат став околу ова прашање.
Против забраната се младите на возраст меѓу 18 и 24 години, додека повозрасните се за воведување забрана во Велика Британија.
Кај постарите од 65 години, дури 78 отсто од анкетираните ја одобруваат забраната.
Според анализата на „Југав“ мнозинството од оние кои се за забрана, се гласачи на британската владејачка Конзервативна партија, како и на десничарската, антиевропска Парија на независност на Обединетото кралство (УКИП).
Анкетата во Велика Британија е направена по одлуката на локалните власти во триесетина општини на југот од Франција, да се забрани носењето буркини на јавните плажи.
Забраната важеше до денеска, но решението предизвика јавна дебата околу облекувањето на муслиманките.
Во меѓувреме, највисокиот административен суд на Франција ја отфрли одлуката на една општина, која единствено беше обжалена, но таа не влијаше врз другите, затоа што десетина општини одбија да ја применат.
Франција е првата земја на Западот која уште во 2011 година, воведе забрана за носење бурка на јавни места.
Британската влада минатата недела соопшти дека нема да воведе забрана за носење бурка.
Портпаролот во Даунинг стрит 10 изјави дека „нема потреба владата да определува кој како ќе се облекува“.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд