Антитерористичка заштита за гардистите во кралскиот замок Виндзор
Британските безбедносни власти одлучија да се постават специјални бариери околу кралскиот замок во Виндзор, во близината на Лондон, посебно при церемонијата за смена на кралските гардисти.
Станува збор за масивни челични блокови, какви веќе има околу главните железнички станици во британскиот главен град и пред зградата на Парламентот во центарот на Лондон, поставени по терористичките напади од 7 јули 2005 година.
Ваквите блокови го заобиколуваат замокот од неговата предна страна и по улицата по која се движат гардистите облечени во црвени униформи, при парадата што традиционално се организира при смената на гардистите.
Смената на гардистите е предвидена за утре, а засилените безбедносни мерки околу замокот се определени по терористичкиот напад на лондонскиот мост Вестминстер и пред зградата на Парламентот минатата среда, при што беа убиени тројца пешаци и еден невооружен полицаец, пред полицијата да го убие напаѓачот.
Претставник на безбедносните власти објасни дека вакви мерки, повремено се користени и порано, како во декември минатата година, по нападот со камион на божиќниот панаѓур во Берлин, кога ваквите масивни блокови биле поставени околу кралската Бакингамска палата во Лондон.
Замокот Виндзор е изграден уште во 11. век, од кога е резиденција на аглиските, а од пред 310 години и на британските кралеви и кралици.
Сега е една од официјалните резиденции на кралицата Елизабета.
До изградбата на Бакингамската палата во центарот на Лондон, замокот во Виндзор бил главната кралска резиденција во која последна престојувала кралицата Викторија, која почина во 1901 година.
Замокот е главната атракција на градот Виндзор, кој секојдневно е посетен од туристи, а посебно во деновите за смената на кралските гардисти.
Ново на Сител
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците