АО: Ѓоковиќ ќе игра четвртфинале со Рубљов

Новак Ѓоковиќ се пласираше во четвртфиналето на првиот грен слем турнир Австралија опен со што го продолжува атакот на 10-тиот трофеј во Мелбурн откако во осминафиналето убедливо со 3-0 го совлада Австралиецот Алекс Де Минаур , по сетови (6:2, 6:1, 6:2). Мечот траеше повеќе од два часа а противник на Ѓоковиќ  во четвртфиналето ќе му  биде Русинот Андреј Рубљев, кој претходно по голема драма во пет сета беше подобар од Данецот Холгер Рун.

На женскиот турнир познати се сите четвртфинални двојки Елена Рибакина (Казахстан) – Елена Остапенко (Летонија), Џесика Пегула (САД) – Викторија Азаренка (Белорусија), Каролина Плишкова (Чешка) – Магда Линет (Полска), Арина Собаленка (Белорусија) – Дона Векиќ (Хрватска).