АРМ на терен им помага на поплавените, вклучена и механизацијата на КФОР

Механизацијата на КФОР, која пристигна вчера во координација со припадниците на АРМ веднаш е вклучена во расчистување на улиците од наносите од поплавата во скопскиот регион, соопштија од прес-канцеларијата на ГШ на АРМ.

Воедно, припадниците на македонската армија од единиците на АБХО, отпочнаа со дезинфекција по куќите и дворовите со цел превентивно делување во спречување појава на заразни заболувања.

Војниците на АРМ во реоните на Скопје погодени од поплавата се вклучени во расчистување на наносите од куќите и дворовите, регулирање на сообраќајот, испумпување на вода, дезинфекција на просторот и на сите останати активности.