Артета: Премиер лигата почнува одново, Сити има натпревар помалку, Арсенал е три бода понапред

Тренерот на Арсенал, Микел Артета, ги искажа впечатоците за вчерашниот пораз од Манчестер сити во 33. коло од англиската Премиер лига.

Натпреварот се одигра на стадионот „Етихад“ во Манчестер и заврши 2:1 во корист на „Граѓаните“.

- Сакавме да постигнеме добар резултат, направивме многу правилни работи за да ја доведеме играта таму каде што сакавме. Имавме големи шанси, но не ги реализиравме и тоа е реалноста, изјави Артета за „Би-би-си“.

Тренерот одговори и на прашањето дали сè уште има верба во себе и во тимот по поразот.

- Им верувам на моите фудбалери 100 %. Ни недостасуваат неколку клучни играчи. Ни требаат што е можно поскоро назад бидејќи треба да станеме посилни и подобри. Премиер лигата практично почнува одново. Тие имаат натпревар помалку, ние сме три бода понапред, додаде Артета.

Арсенал е на врвот на табелата во Премиер лигата со 70 бода. Манчестер сити е втор со 67 бода и еден натпревар помалку.

Во следното коло „топџиите“ ќе бидат домаќини на Њукасл на 25 април, а „граѓаните“ ќе играат на гостински терен против Барнли на 22 април. 

МИА