Ауди најави продажба на дел од Заубер на катарски фонд

Компанијата Ауди потврди дека ќе продаде дел од својот нов Формула 1 тим на државен фонд од Катар.

Тимот, кој настапува како Заубер, ќе стане фабрички тим на Ауди од сезоната 2026 година. Компанијата не сподели детали, меѓутоа, според „RacingNews365“, фондот ќе стекне приближно 25 отсто од акциите на Заубер.

Фондот во моментов веќе поседува 17 отсто од концернот Фолксваген, во кој спаѓа и Ауди.