АВМУ: Прекршочни постапки против телевизите „Алфа“, „Компани 21-М“ и „Стар“

Прекршочни постапки против телевиизите „Алфа“, „Компани 21-М“ и „Стар“ поведе Агенцијата за аудио и аудиовизуелни медиумски услугиврз (АВМУ) основа на извештаите  од извршениот мониторинг на изборното медиумско претставување за време на изборната кампања, во согласност со Изборниот законик.

Прекршочна постапка против ТВ „Алфа“ е поради необезбедување избалансирано покривање на Локалните избори 2017, во вкупната програма, во првите десет дена од изборната кампања.

ТВ „Компани 21-М“ и ТВ „Стар“, пак, емитувале платено политичко рекламирање во посебни информативни програми: во дебатната емисија „Клик плус“, емитувана на 4 октомври годинава на ТВ Компани 21 и во две изданија на „24 Отворено“, емитувани на 4 и 5 октомври годинава.

Извештаите од мониторингот на радиодифузерите се достапни на веб страницата на Агенцијата www.avmu.mk.