Австралија го зголеми нивото на терористичка закана од „можно“ на „веројатно“

Австралија го подигна нивото на закана од терористички напад од „можен“ на „веројатен“ поради порастот на екстремистичкото расположение кај јавноста. Ова значи дека веројатноста за планирање и подготовка на напад во Австралија во следните 12 месеци е за 50 отсто поголема.

Премиерот Ентони Албанезе изјави дека степенот на готовност е зголемен по препорака на службите за безбедност, но додаде дека нема непосредна закана од напад.

- Советите што ги добивме е дека се повеќе Австралијци се вовлекуваат во различни екстремни идеологии, така што наша одговорност е да бидеме внимателни, рече тој на прес-конференција.

Во 2022 година, Австралија го намали нивото на закана до „можно“ по осум години кога беше на степен „веројатно“. Мајк Барџис, генерален директор на Австралиската служба за безбедност и разузнавање (контраразузнавање), изјави дека тензиите на Блискиот Исток, вклучувајќи го конфликтот меѓу Израел и Хамас кој започна на 7 октомври, придонела за зголемување на нивото на закана.