Фудбал
18. May 2024 - 18:18

Баер го победи Аугсбург и ја заврши сезоната во Бундеслигата без пораз

Баер Леверкузен го победи Аугсбург со 2-1 и сезоната во Бундеслигата ја заврши шампионски, без ниту еден пораз во 34 кола.

Крај на една извонредна сезона во Бундес лигата, каде што по 11 сезони германската прва лига доби нов шампион, Баер Леверкузен.

Играчите на Чаби Алонсо не само што ја освоија Бундес лигата туку тоа го направија без ниту еден пораз на 34 одиграни натпревари со што поставија и голем број на недостигнувачки рекорди.

Баер Леверкузен во последното коло го совладаа Аугзбург со 2:1 за 28-от триумф оваа сезона и само шест нерешени натпревари.