Бајден оди во Калифорнија да собира средства за својата изборна кампања
Претседателот на САД, Џо Бајден денеска замина на тридневно патување во Калифорнија каде ќе одржува донаторски средби за својата кампања. На настаните ќе учествуваат и некои холивудски ѕвезди, јавија дел од американските медиуми.
Пари ќе се собираат во Лос Анџелес и на средбите ќе учествуваат режисерите Стивен Спилбер и Роб Рајнер, како и пеачот Лени Кравиц и актерката и пеачка Барбара Стрејсенд.
Џефри Каценберг, актер и предизборен консултант на Бајден, изјави дека овие денови можеби ќе бидат најуспешните во претстоечката кампања.
Според некои извори, од донаторските средби во Калифорнија, како и претходното собирање средства во Бостон, Бајден за својата кампања може да собере околу 15 милиони долари. Вкупната сума донации за негов избор во четвртото тримесечје можа да достигне 67 милиони долари, што е слично на сумата што Барак Обама ја собра за истиот период во 2011 година.
Пред да стигне во Калифорнија, Бајден денеска ќе оди во Лас Вегас, каде ќе објави за издвојување на 8,2 милијарди долари за нови проекти за изградба на патничка железничка пруга. Исто така ќе објави и инвестиции вредни три милијарди долари за изградба на супербрза железничка врска меѓу Лас Вегас и Јужна Калифорнија.
Ново на Сител
-
Нормализиран сообраќајот на патот Штип-Кочани
-
Пронајдена дрога при претрес во Прилеп, приведено едно лице
-
Премиерот Мицкоски во посета на Кавадарци
-
Загина пешак кај кочанското село Тркање
-
Претседателката Сиљановска Давкова ја предводи македонската делегација на 79. Генерално Собрание на ОН во Њујорк
-
Хезболах објави дека уште еден висок командант е убиен во израелскиот воздушен напад врз предградие на Бејрут
-
Расходите на Харис во август во кампањата се три пати поголеми од оние на Трамп
-
Русија соборила над 100 украински дронови над неколку области