Бактериите меѓусебно „разговараат“ за да ги координираат акциите

Група американски научници неодамна утврдија дека бактериите користат електрични сигнали за да „разговараат една со друга“. Таа способност им овозможува на колониите од неколку милијарди единки да ги усогласат своите акции, поради што стануваат некој вид „микробиолошки мозок“.

Научниците во студијата објавена во списанието „Nature“ претпоставуваат дека дури и одвоените колонии можат да остварат меѓусебна комуникација и да ги усогласат акциите.

Бактериите меѓусебно разменуваат сигнали по пат на јонот на натриум, наелектризиран атом. Тоа им овозможува на бактериите во центарот на колонијата да им „јават“ на тие од периферната зона дека се „гладни“. Тогаш бактериите од периферната зона престануваат да ги користат нутриентите кои им се потребни за делење, формираат нови клетки и раст на колонијата. Нутриентите се проследуваат до бактериите во центарот.

Научниците за да го потврдат механизмот за комуникација го отстраниле каналот кој овозможува проток на јони и комуникацијата престанала.