Башар ал Асад се појави на празничната молитва

Сирискиот претседател Башар ал Асад денеска се појави на празничната молитва во џамијата Ал Хамад во Дамаск, што е едно од неговите ретки јавни настапи, јавија сириските државни медиуми.

Асад присуствуваше на молитвата по повод празникот Рамазан Бајрам. Тој беше придружуван од високи државни функционери и членови на владејачката партија.

Имамот шеик Мохамад Шариф ал Саваф го молеше бог „да ја спаси Сирија, нејзиниот лидер, армијата и народот и да донесе победа против непријателите“.