Бектеши: Од полноќ очекуваме намалување на горивата, односно на дизелот

Министерот за економија, Крешник Бектеши за „ТВ21“ изјави дека се очекува големо намалување на цените на горивата, односно на дизелот.

Бектеши вели дека согласно методологијата и пресметката, како и состојбата на светската берза и мерките донесени од Владата, вечерва се очекува поевтинување на дизелот за повеќе од пет денари.

Регулаторната комисија за енергетика најави дека ќе ги корегира цените, па вечерва треба да дознаеме дали навистина ќе следи голем пад на цените, како што прогнозира Бектеши.