-->
-->
Берлин: Израел мора да ги прифати критичките невладини организации
-->
Германската владина коaлиција составена од ЦДУ/ЦСУ и Социјалдемократите имаат ист став за конфликтот што настана откако израелскиот премиер Бенџамин Нетанјаху одби да се сретне со министерот за надворешни работи Зигмар Габриел во Тел Авив. Нетанјаху ја откажа закажаната средба со Габриел откако германскиот министер се сретна со две невладини организации кои што ја критикуваат израелската влада за еврејските населби на Западниот Брег.
Портпаролот на германската канцеларка Штефан Зајберт денеска изјави дека Берлин жали што состанокот бил откажан но дека Израел мора да ги прифати критичките организации во демократско општество.
- Во демократија мора да биде можно странски гости без проблем да зборуваат со критички настроени претставници на цивилното општество. Канцеларката Меркел тоа го прави редовно за време на своите посети во странство, изјави Зајберт денеска , јавува дописникот на МИА од Берлин.
Според Зајберт Меркел и Габриел кои припаѓаат на двете најголеми политички партии во Германија и за ова прашање како и секогаш за сите други теми се во редовен контакт.
Според портпаролот на Меркел дипломатскиот инцидент нема да ги наруши добрите односи меѓу двете држави. За десетина дена на патување во Израел и на Палестинските територии кое беше закажано предходно ќе оди и новиот германски претседател Франк Валтер Штајнмаер.
-->
-->
-->
Ново на Сител
-
Почина тапанарот од групата ДНК , Горги Горгиев
-
Муцунски: Нема зборови за утеха за оваа трагедија, повеќе држави понудија помош
-
Полицаец на должност загина во пожарот во дискотеката во Кочани
-
Уставен суд: Не постојат соодветни зборови кои ќе ја намалат тагата, во овие тешки и траорни моменти
-
Родители чии деца се наоѓаат во Штипската болница се пуштаат да ги видат повредените
-
Седумдневна жалост по повод трагедијата во Кочани
-
Вучиќ изрази сочуство до Силјановска - Давкова за трагедијата во Кочани: Ќе испратиме хеликоптери и медицински тимови
-
До моментов загинати 59 лица, распишана централна потерница за четири лица во врска со пожарот во дискотеката