Бискупот Стојанов во посета на привремениот транзитен центар за бегалци во Гевгелија

Католичката црква на Македонија преку својата хуманитарна организација „Каритас“ ќе продолжи да им помага на мигрантите од Блискиот исток кои транзитираат низ државата, рече бискупот Киро Стојанов при денешната посета на привремениот транзитен центар за бегалци во Гевгелија.

При обиколката на центарот бискупот Стојанов ја посети кујната што ја отвори Католичката црква и се интересираше за моментната состојба со бегалците.

Бискупот Киро Стојанов оствари средба и со градоначалникот на општина Гевгелија Иван Франгов, од кого беше запознаен со состојбата околу бегалската криза, со проблемите со кои се соочува општината при справувањето со кризата како и со нејзините потреби за уште поефикасно справување со наметнатите проблеми од моментот на пристигнување во кампот во Гевгелија до заминување на бегалците кон земјите од Европката унија. им/аа/16:29